CV De Blouwe

Naogenete

cvdeblouwe — Tue, 21 Feb 2012 20:32:35 +0000

De lèste filmpkes zien gemaak, de lèste fotoos zien gesjote. Vastelaovend zit d’r weer op, mèr wat höbbe veer genote!

Mèt euze drink- en eetlöstigheid Prins Leon I koste veer us ouch geine betere veurgenger vaan de Blouwe vastelaovend weense. Veer wèlle vaanaof dees plaots ouch erg gere de GANSE FEMILIE Van Duurling-Bastiaens bedaanke veur de gooj zörg en de aonstekeleke meneer boe op tot zie met us vastelaovend höbbe gevierd. Zèlfs de luij vaan Leonidas en ‘ne verdwaalde Greune waore liever beij euze Hoeglöstigheid daan örges aanders!
Aofgeloupe maondag waor de groete Wolderse cortège weer ‘t toenbeeld vaan wie dee vastelaovend in Wolder en umstreke nog springlevend is. Mèt ‘ne wagel dee euveral weer ‘ns doorkaom en ‘n hermenie Blouw en Bezope die op volle sterkte zich door de èllentrikke meziek wis te bloze! Ouch euze Wolderse vrun en euze Belsje collega’s höbbe gezörg veur ‘ne fantastische groete optoch!!

Eederein dee ziech in Wolder heet laote zien: BEDAANK!
En veur degene dee neet genog kin kriege, heij kint geer nog eve naogenete!!! Tot volgend jaor, op naor 2013!!!

Alaaf! CV De Blouwe

Nog eve en daan….!

cvdeblouwe — Mon, 13 Feb 2012 19:33:55 +0000

Nog eve en ‘t is weer zoe wiet: Vastelaovend begint zoondag in Mestreech um 12.11 oor met de 11 kanonssjeut oppe Vriethof. Dee daag is de opwèrmer veur ‘t groetste spektakel in Mestreech op maondag: De internationale optoch vaan Wolder mèt alle karnevalsvereiniginge vaan Wolder en ouch mèt väöl vaan eus vrun oet Vroenhove en umstreke. Alle reije um mèt te doen of te koume kieke!

Ouch dit jaor geit de Blouwe weer mèt in de cortège, noe mèt euze Prins Leon I en veer hope daan ouch tot heer oonder groete belangstelling weurt aongemoedig um op ‘n fantastische wijs us veur te goon in dee Wolderse Vastelaovend!

Daorum vraoge veer alle lede en symphatisante vaan De Blouw vaan Wolder um de volgende tiedstippe ‘acte de présence’ te geve:

12.00 oor Biejeinkoms in de zaol mèt instrumint, vertrek naor Prinselijk Palies in de Pletzersstraot, daor hole veer Prins Leon I op en heer zal zörge veur de nudige brandstof veur de optoch….

13.30 oor Trök mèt de hermenie en de wagel aon de zaol, daor zalle veer us goon opstelle um in te vooge in de Groete Optoch vaan Wolder.

Veer hope uuch allemaol weer te zien beij de optoch en daornao in euze Blouwe Hoftempel, boe veer door zalle viere zoetot eederein weer wèt tot Vastelaovend in Wolder springlevend is!!!!

VEER ZIEN US!

ALAAF!
CV De Blouwe

Prins Leon I

cvdeblouwe — Sun, 29 Jan 2012 18:29:37 +0000

Vendaog heet heer geine tied!! Want Leon van Duurling geit de kaomende tied door ‘t leve es Hoeglöstigheid Prins Leon I !!!! Aofgeloupe zaoterdag 28 jannewarie is heer oetgerope nao ‘n bengkelek démasqué. Heer heet ziech vaan z’ne beste kant laote zien, zoewel op ‘t fees es daornao. ‘t Feeske mèt ‘n groete F doorde naomelek tot in de klein eurkes en ouch daornao ginge veer in de Pletzersstraot gewoen weijer (de sateekes waore heerlek!!)

Wèlt geer de sfeer vaan aofgeloupe zaoterdag preuve? De foto’s vaan Maurice Pauwels (bedaank!) en euze sneaky fotograaf Vinsàn stoon heij. En de proclemasie is heij te zien.

De kaomende weke zalle weer alle raatsgekke foto’s en filmpkes op de media-pagina terech kaome, haw euze webstek in de gate!!!!!

CV De Blouwe

Wee weurt de nuije Hoeglöstigheid?

cvdeblouwe — Fri, 20 Jan 2012 10:31:38 +0000

Op zaoterdag 28 januari is ‘t weer tied veur ’t oetrope vaan ’ne nuije Hoeglöstigheid vaan CV De Blouwe!! Alle vastelaovendsvierders vaan Wolder weure opgeropen ziech te verzamele veur e groet fies in euze eige Blouwe Hoftempel.

Um 19:30 oor weure de lede vaan de hermenie en drumband in uniform verwach in de Hoftempel, boe veer aofsjeid zalle numme vaan euze noe al legendarische 5×11-Zjubileiumprins Gerrie I. Num ouch al eur femilie en vrun met, want heij mèt kump d’r n ind aon euze geslaagde viering vaan het zjubileiumjaor 2011 boe in CV De Blouwe en Hermenie Wilhelmina ziech weer good heet laote zien en huure. Allemaol bedaank veur de extra inspanningen die daorveur nudig waore!

Mèr wee weurt de ierste prins vaan de nuije lustrumperiode?

Naotot veer de Groete Oonbekinde zien goon ophaole beij ein vaan de bekinde adresse in Wolder, boe alvas weurt gedronke op de koumende feesperiode, zalle veer nao ‘ne korte roondgaank door Wolder weer trök kaome in de Hoftempel. Roond 20.30 oor zal de nuije Hoeglöstigheid bekind weure gemaak aon ‘t Wolderse vollek. Tijdens en nao de receptie, boe veur eedereen de meugelijkheid is tot ’t felicitere vaan de nuije prins en boe ouch euze zöstervereiniginge oet Wolder en euze vrun oet Vroenhove en Kanne aonwezig zalle zien, höbbe veer ‘n fantasties program veur uuch in petto!

Boe is dat feeske???

Twie zier bekinde internationale DJ’s goon de aovend opluustere, boe door veer gein inkele vastelaovendskraker goon euverslaan. Same mèt alle Blouwe, zöstervereiniginge, femilie en vrun wil CV De Blouwe gere weer e geweldig feeske bouwe tot in de vreuge ore, boe mèt veer de Wolderse vastelaovend in iere hawwe!

Veer zien us op 28 januari!

Alaaf! CV De Blouwe

p.s. Wee weurt de nuije Hoeglöstigheid volgens diech???

Gebore: Keano

cvdeblouwe — Mon, 02 Jan 2012 20:33:18 +0000

Op de valreep vaan zjubileiumjaor 2011 is beij Marco, Bianca en Naomi ‘ne zoon en breurke gebore mèt de naom: Keano!

Vaan noonk Jeroen en ouch via Hyves höbbe veer maage verneume tot heer is gebore in Mestreech op 31 december roond de klok vaan half 11 in de mörge. ‘Ne flinke boy vaan ruim 4 kilo. Heer heet nog eve tied nudig op ‘t hospitaol, mèr maag hopelek nao ‘n week met papa, mama en groete zus mèt naor hoes.

Naomens de Raod vaan 11 vaan CV De Blouwe weense veer uuch vaan harte perfisia! Veer hope tot veer Keano mesjiens al maage goon zien mèt de vastelaovend! Geneet d’r noe veural vaan!

De webmeisters vaan CV De Blouwe

Kiek mèr es wat e sjoen geboortekeertsje:

‘n sjiek 2012 geweens

cvdeblouwe — Thu, 29 Dec 2011 09:24:50 +0000

Veer weense alle Blouwe, alle vastelaovendsvierders en alle luij oet Wolder en umstreke een sjiek en veural gezoond 2012 tow. Gezoond, want dat beteikend tot geer weer mèt us vastelaovend kint viere in eus Wolderse gemeinsjap. De CV begint volgende week beij de Belsje vrun in Kanne met het acherein zètte vaan alle luij in de zaol. Veer zien uuch gere daor al of zaoterdag 28 jannewarie in euze Hoftempel es veer de nuije Hoeglöstigheid vaan CV De Blouwe oetrope.

‘Ne gooje roetsj geweens en tot daan!

CV De Blouwe

Waffel actie 2011

cvdeblouwe — Fri, 09 Dec 2011 13:33:41 +0000

Aofgeloupe zaoterdag 17 december zien veer weer bij alle deure in Wolder en Campagne langsgekaome veur euze Groete ‘Luikse Waffel’ actie! Nao de väöle sjieke reacties veurig jaor hadde veer euze hoesbekker weer bereid höbbe die heerlijke dikke sòkkerwaffele te bakke. Veer wèlle gere eederein bedaanke dee al waffele heet gekoch vaan us.

Oetbreidinge Mini-Raod vaan 11

cvdeblouwe — Wed, 07 Dec 2011 21:30:39 +0000

Aofgeloupe maonde zien versjillende heuglijke beriechte op het baby-froont te mèlde gewees.

Naotot in fibberwarie Mirte Snijders waor gebore, is noe op 28 oktober ‘ne nuije vastelaovendsvierder gebore in huize Borgignons: Aaron.

Heer is gebore in ‘t hospitaol in Mestreech en waogde 8 poond. Groete broor Lennard en awwers Maurice en Christianne zien erg gruuts op häöm.

Daorneve zien euze Sikkertaris Marco met zien Bianca en Prinsezeuker Vincent met zien Adriënne in verwachting vaan nog mie nuij lede vaan de toch al groete Mini-Raod vaan 11!!!!

Perfisia!!!

Boe waor dat feeske? In Wolder!

cvdeblouwe — Wed, 09 Mar 2011 12:17:07 +0000

Nao opnuij ‘ne memorabele Groete Optoch vaan Wolder aofgeloupe maondag en de lèste volle daag gister is ‘t daan noe toch èch veurbeij: Vastelaovend 2011 in Wolder is gedoon. Mèr wat waor ‘t e feeske!!!! Nog noets höbbe veer zoene LANGE Prins gehad, ‘ne optoch dee zoe LANG doorde (!), ‘n verdwaalde muts die zoe LANG vaan eigeneer heet gewisseld en ‘n ‘ontvoering’ mètgemaak die zoe LANG stand heet gehawwe. Dees en aander verhaole zalle de kaomende tied in woord en beeld weure towgevoog aon deze inmiddels zier populaire webstek. Zoetot veer nog lang maage naogeneete vaan de aofgeloupe tied.

De ierste foto’s vaan de optoch kint geer heij alvas bekieke. (gemaak door Jean-Marie Willems)

Haw de site in de gate veur mier activiteite in dit zjubileiumjaor!

CV De Blouwe

Vastelaovendsmaondag in Wolder

cvdeblouwe — Fri, 04 Mar 2011 11:44:33 +0000

Nog eve en ‘t is weer zoe wiet: Vastelaovend begint vendaog in Mestreech um 12.11 oor met de 11 kanonssjeut oppe Vriethof. Dit jaor is dee daag de opwèrmer veur ‘t groetste spektakel in Mestreech op maondag: De internationale optoch vaan Wolder mèt alle karnevalsvereiniginge vaan Wolder en ouch mèt väöl vaan eus vrun oet Vroenhove en umstreke. De weersveuroetziechte zien fantastisch: Väöl zon en nog neet ins zoe kaajt ouch neet! Alle reije um mèt te doen of te koume kieke!

Spesjaol dit jaor is tot veer mèt euze 5×11 Zjubileium Prins Gerrie I in de optoch mèt goon en veer hope daan ouch tot heer oonder groete belangstelling weurt aongemoedig um op ‘n fantastische wijs us veur te goon in dee Wolderse Vastelaovend!

Daorum vraoge veer alle lede en symphatisante vaan De Blouw vaan Wolder um de volgende tiedstippe ‘acte de présence’ te geve:

12.00 oor Biejeinkoms in de zaol mèt instrumint, vertrek naor Prinselijk Palies in Campagne, daor hole veer Prins Gerrie I op en heer zal zörge veur de nudige brandstof veur de optoch….

14.00 oor Trök mèt de hermenie en de wagel aon de zaol, daor zalle veer us goon opstelle um in te vooge in de Groete Optoch vaan Wolder.

Veer hope uuch allemaol weer te zien beij de optoch en daornao in euze Blouwe Hoftempel, boe veer door zalle viere zoetot eederein weer wèt tot Vastelaovend in Wolder springlevend is!!!!

VEER ZIEN US!

ALAAF! CV De Blouwe