Prins Bram I (2018)

-Erfprins vaan Eindhove
-Graof vaan de Börgemeister Thijssenlaon in Gäöl
-Oppersjrouvendrejjer vaan de vleegmesjienes op Beek
-Kroenprins vaan de Limburgse Kampioensploog vaan de Blouwe Tamboers
-Lutenant-Ginneraol vaan de Lange Latte in Oosteriek
-Legendarisch rechtsmidde vaan de voetballers oet Bun
-Groet-Protecteur vaan ‘t pikvogele

Gebore bin iech 18 jaor geleie in de umgeving vaan Eindhove, boe iech es batteraof in ‘t Sprookjesbos höb gespäöld. Hiel gaw bin iech verhuis naor Gäöl boe mien sjaolcarriere begos. Via ‘t Graaf Huyncollege in Geleen bin iech noe op ‘t vleegveld in Beek lochvaarttechniek aon ‘t liere aon ‘t Leeuwenborgh.
Iech kom daan neet oet Wolder, mer wel oet ‘n echte Blouw femilie. Miene grampeer Theo zaot in ‘t bestuur en miene pap Marc is noe veurzitter vaan de hermenie. Ouch mien zöster Daphne späölt bei de Blouw. Zelf rammel iech venaof mien zesde al op ‘t slaagwerk vaan de drumband en bei het hermenieorkès. Dit jaor bin iech daorum al 12,5 jaor lid vaan dees sjoen vereiniging.
Daorneve voetbal iech gere, zowel op ‘t veld in Bun es in de kaffee op de taofel.
Noe iech 18 jaor bin gaon iech gere steeds mie op stap en vastelaovend huurt d’r zeker eeder jaor bei.

‘Ne groete weens vaan miech weurt vendaog woer: 3×11 jaor en 11 maond nao de lèste prins vaan femilie Hogenboom maag iech uuch veurgoon es 62e prins vaan CV De Blouwe.

Heibij belaof iech uuch bij de grasie vaan De Blouwe um ‘ne gruutse prins te zien.
Iech belaof wijer tot:

-iech mien mam Anita vaanaof noe zal verwene es ’n echte keuningin;
-iech miene pa de ganse vastelaovend zeurvitter zal numme;
-iech mien zöster Daphne de volgende solo veur de klarinette zal laote speule;
-iech vaanaof noe mien blouwe euveral zal inruile veur de prinseleke slippejas;

-iech mien stapvrun Wessel en Luc zal decorere es nui Raodslede;
-iech de Raod vaan Elf zal veurgoon bij ‘t oetdrinke vaan alle pöt beer of aander hiemels voch;
-iech alle Woldernere en neet Woldernere zal veurgoon in dees Wolderse vastelaovend, al kos miech dat miene allerlèste dröppel Blouw blood

Sjöt in, Sjöt in, Sjöt in!

Veurgeleze op 20 jannewarie in ‘t jaor 2018
In de Blouwe Hoftempel vaan ‘t dörp Wolder
In de groete stad Mestreech