Vastelaovendsmaondag in Wolder

Vastelaovendsmaondag in Wolder

Nog mèr e paar daog: vastelaovend begint zoondag in Mestreech um 12.11 oor met de 11 kanonssjeut oppe Vriethof. Dee daag is de opwèrmer veur ‘t groetste spektakel in Mestreech op Maondag: De internationale optoch vaan Wolder mèt alle karnevalsvereiniginge vaan Wolder en ouch mèt väöl vaan eus vrun oet Vroenhove en umstreke. Alle reije um mèt te doen of te koume kieke!

Ouch dit jaor geit CV De Blouwe weer mèt in de cortège, noe mèt euze Prins Wim I en zien charmante prinses Marcella. Veer hope daan ouch tot zie oonder groete belangstelling weure aongemoedeg um op ‘n fantastische wijs us veur te goon in dee Wolderse Vastelaovend!

Daorum vraoge veer alle lede en symphatisante vaan De Blouw vaan Wolder um op de volgende tiedstippe ‘acte de présence’ te geve:

12.00 oor Biejeinkoms op ‘t Kèrkplein in Aajd-Caberg mèt instrumint, boevaan veer naor ‘t Prinselek Palies op de Van Akenweeg trèkke. Daor hole veer Prins Wim I op en heer zal zörge veur de nudige brandstof veur de optoch.

14.30 oor Aonkoms vaan de wagel aon de zaol. CV De Blouwe geit mèt in de de Groete Optoch vaan Wolder! En de lede vaan de hermenie zien oetgenudeg um ‘t fies mèt us mèt te viere in euze Hoftempel, dee gewoen ope is vaan 13.00 tot 22.00 oor!

Veer hope uuch allemaol weer te zien beij de optoch en daornao in euze Blouwe Hoftempel, boe veer same mèt uuch ‘n ech Wolders fieske goon viere.

VEER ZIEN US!

ALAAF!
CV De Blouwe

Reakties plaotse is geslote.