Wim I, verleef op Wolder

Wim I, verleef op Wolder

Nao ‘n geslaag Vastelaovendskonzèr is op zaoterdag 1 fibberwarie Wim I (Hesemans) es nuie Prins vaan CV De Blouwe oetgerope in de Hoftempel, de zaol vaan Hermenie Wilhelmina in Wolder. Heer is 34 jaor geleie gebore in Eigenbilzen, is in België opgegreujd en bijnao 25 jaor geleie terech  bij de hermenie same met broor Jan en pap Bèr. Ziene euvergroetampa zaot ouch in het bestuur vaan de Blouwe. Wim späölt melodies slaagwèrk bij de drumband en kleine trom op straot. Heer wèrk al ne hiele tied bij Maastricht Aachen Airport, op dit momint bij Emirates. Wim is fervent carnavalsvierder en waor ieder al mie daan elf jaor lid bij CV De Blouwe. Zoe is heer ouch zien prinses Marcella tegegekaome, op bezeuk bij CV De Greune, boe häöre pap nog prins waor. Deze biezundere ‘Blouw/Greun’ combinatie heet ‘ne zoon opgeleverd: Daan vaan 1 jaor aajd. Met zien dreie woene ze aon de Van Akenweeg in Aajd-Caberg. Wim klus in zien vrije tied gere in hoes en same make ze tijdens hun vekansies gere weie reize.

Prins Wim I heet ziech gistere tijdens en nao de receptie good laote zien aon t Wolderse volk. De feesaovend waor grandioos door de meziek, verzörg door DJ MARVIN en doortot väöl vereinginge zien blieve feeste. Same met zien prinses Marcella en zoon Daan goon veer es CV De Blouwe ‘ne sjieke vastelaovend tegemoot, met es hoegtepunt de Groete internationale cortège in Wolder op vastelaovendsmaondag. Tot daan!

CV De Blouwe

Laot e beriech achter