Vastelaovendskonzèr en oetrope

Vastelaovendskonzèr en oetrope

Zeet geer ouch zoe Verleef op Mestreech? En op de Vastelaovend?

Op zaoterdag 1 fibberwarie rope veer de nuie Hoeglöstegheid van CV De Blouwe oet!! Alle vastelaovendsvierders vaan Wolder zien oetgenudeg veur e groet fies in euze eige Blouwe Hoftempel.

Vastelaovendskonzèr

Um 19:11 oor beginne veer sjus wie veurig jaor mèt e carnavalesk konzèr oonder leiing vaan dirizjent Ghislain Bellefroid. Tijdens ‘t konzèr kint geer ouch geneete vaan ‘n optreie vaan ‘ne topentertainer: Geralt van Gemert. Heer bringk same mèt het hermenieorkès evergreens en big band meziek vol euvergave ten gehure.

Metein aonsleetend aon ‘t konzèr zalle veer aofsjeid numme vaan euze energieke Prins Luc I. Heer het aofgelaope jaor same met zien Maartje en zienfemilie gezörg veur ‘ne oonvergeteleke Vastelaovend 2019. Nao zien aoftreie zal heer mèt väöl plezeer weer plaots numme tösse de aandere lede vaan de Raod vaan Elf vaan CV De Blouwe.

Wee weurt ‘t?

De Groete Oonbekinde zal roond 20.30 uur bekind weure gemaak aon ‘t Wolderse volk. Wee zow ‘t weure? Veer hope weer op ‘ne gooje!

Tied veur e fees!

Tijdens en nao de receptie, höbbe veer e fantastisch programma veur uuch in petto! Veur de meziek höbbe veer niemes minder es DJ MARVIN wete te strikke, dee zal zörge veur ‘ne geweldige vastelaovendssfeer. Veer zalle ouch weer ‘n tombola hawwe mèt sjoen prijze. Same mèt alle zöstervereineginge, femilie en vrun wil CV De Blouwe gere mèt uuch weer e geweldeg fies bouwe!

Veer zien us op 1 fibberwarie!

Veur alle nuits euver ‘t bal, de vastelaovend, de CV en foto’s en filmpkes vaan aofgelaope jaore verwieze veer gere naor euze website en Facebook-pagina: www.facebook.com/cvdeblouwe

Alaaf! CV De Blouwe

P.S. Op dees plaots wille veer eederein in Wolder en daarboete bedaanke, dee de vereineging heet ondersteund door ‘t kaope vaan de waffele oet de Waffelactie vaan aofgelaope december.Edit this page

Reakties plaotse is geslote.