Prins Luc I! Ech woer? Jeh jao!

Prins Luc I! Ech woer? Jeh jao!

Aofgeloupe 9 fibberwarie is Prins Luc I (Bastiaens) oetgerope es nuie Hoeglöstegheid vaan CV De Blouwe. Nao ‘t sfeervol vastelaovendskonzèr, boe de hermenie en zangeres Marleen Rutten een sjiek optreie gaof, waor dit ‘t hoegtepunt vaan dee aovend. Heer woent op de Haozedans, sjus wie de stadsprins vaan Mestreech. Heer kump oet een echte Blouw femilie met pa Theo es percusionis en aajd-prins vaan 11 jaor geleie, mam Sandra op trompöt en zöster Susan op klarinet. Zelf is heer ouch lid vaan de percussiegroep. Aofgeloupe jaor is heer zien charmante prinses Maartje tegegekoume. Same met de Raod vaan 11 vaan CV De Blouwe geit heer dr ‘ne sjieke vastelaovend vaan make!

Perficia Prins Luc I en veer zien us op vastelaovendsmaondag in de groete internationale cortège in Wolder!

1 reaktie

  1. Nico Beckers |

    Perfisia Luc en netuurlijk ouch veur dien prinses Maartje.
    Plezeerige vastelaovend en geneet devaan.
    Els en Nico 🤙🤠🤡👽🤕👿💩😈

Laot e beriech achter