Vastelaovendskonzèr en bal!

Vastelaovendskonzèr en bal!

Nog even en daan is ‘t weer vastelaovend Ech woer? Jeh jao!

Op zaoterdag 9 fibberwarie rope veer de nuie Hoeglöstegheid van CV De Blouwe oet!! Alle vastelaovendsvierders vaan Wolder zien oetgenudeg veur e groet fies in euze eige Blouwe Hoftempel.

Vastelaovendskonzèr

Um 19:11 oor beginne veer sjus wie veurig jaor mèt e carnavalesk konzèr oonder leiing vaan dirizjent Ghislain Bellefroid. Tijdens ‘t konzèr kint geer ouch geneete vaan ‘n optreie vaan ‘n echte Limburgse topartieste: Marleen Rutten. Zie is bekind vaan häör eige Limburgse leedsjes, mer ouch vaan de vertolkinge vaan bekinde Duitse schlagers.

Metein aonsleetend aon ‘t konzèr zalle veer aofsjeid numme vaan euze energieke Prins Bram I. Heer het aofgelaope jaor same met zien femilie gezörg veur ‘ne sjieke Vastelaovend 2018. Nao zien aoftreie zal heer mèt väöl plezeer weer plaots numme tösse de aandere lede vaan de Raod vaan Elf vaan CV De Blouwe.

Wee weurt ‘t?

De Groete Oonbekinde zal roond 20.30 uur bekind weure gemaak aon ‘t Wolderse volk. Wee zow ‘t weure? Veer hope weer op ‘ne gooje!

Tied veur e fees!

Tijdens en nao de receptie, höbbe veer e fantastisch programma veur uuch in petto! Veer höbbe nui Raod vaan Elf-lid Sacha met zien Treffers sound en light gevoonde veur de muzikale omliesting en veer zalle ouch weer ‘n tombola hawwe mèt sjoen prijze. Same mèt alle zöstervereineginge, femilie en vrun wil CV De Blouwe gere mèt uuch weer e geweldeg fies bouwe!

Veer zien us op 9 fibberwarie!

Veur alle nuits euver ‘t bal, de vastelaovend, de CV en foto’s en filmpkes vaan aofgelaope jaore verwieze veer gere naor euze website en Facebook-pagina: www.facebook.com/cvdeblouwe

Alaaf! CV De Blouwe

P.S. Op dees plaots wille veer eederein in Wolder en daarboete bedaanke, dee de vereineging heet ondersteund door ‘t kaope vaan de waffele oet de Waffelactie vaan aofgelaope december.Edit this page

Reakties plaotse is geslote.