Konzèr met oetrope Prins 2017

Konzèr met oetrope Prins 2017

Vastelaovendskonzèr en Carnavalsbal 2017

CV De Blouwe

‘t Doort neet mie zoe hiel lang of veer kriege weer Vleugelkes!

Op zaoterdag 4 fibberwarie rope veer de nuie Hoeglöstegheid van CV De Blouwe oet!! Alle vastelaovendsvierders vaan Wolder zien oetgenudeg veur e groet fies in euze eige Blouwe Hoftempel.

Vastelaovendskonzèr

Um 19:11 oor beginne veer sjus wie veurig jaor mèt e carnavalesk konzèr oonder leiing vaan dirizjent Ghislain Bellefroid. Tijdens ‘t konzèr kinne veer behalve vaan de meziek, ouch geneete vaan Fer Naus in ziene buut vaan “De Kroeskapitein.

Aofsjeid

Metein aonsleetend aon ‘t konzèr zalle veer aofsjeid numme vaan euze störmprins prins Denny I. Heer heet same mèt zien prinses Vivian gezörg veur ‘ne fantastische Vastelaovend 2016. Nao zien aoftreie zal heer weer mèt väöl plezeer plaots numme tösse de aandere lede vaan de Raod vaan Elf vaan CV De Blouwe.

Wee weurt ‘t?

De Groete Oonbekinde zal roond 20.30 uur bekind weure gemaak aon ‘t Wolderse volk. Wee zow ‘t weure? Veer hope weer op ‘ne gooje!

Tied veur e fees!

Tijdens en nao de receptie, höbbe veer e fantastisch programma veur uuch in petto! Veer höbbe de internationaal bekinde DJ’s De Jefkes weer gestrik veur de muzikale omliesting en veer zalle ouch weer ‘n tombola hawwe mèt sjoen prijze. Same mèt alle zöstervereineginge, femilie en vrun wil CV De Blouwe gere mèt uuch weer e geweldeg fies bouwe!

Veer zien us op 4 fibberarie!

Veur alle nuits euver ‘t bal, de vastelaovend, de CV en foto’s en filmpkes vaan aofgelaope jaore verwieze veer gere naor euze website en Facebook-pagina: www.facebook.com/cvdeblouwe

Alaaf! CV De Blouwe

P.s. Op dees plaots wille veer eederein in Wolder en daarboete bedaanke, dee de vereineging heet ondersteund door ‘t kaope vaan de waffele oet de Waffelactie vaan aofgelaope december.

Reakties plaotse is geslote.