Traone in mien ouge!

Traone in mien ouge!

‘t Is veurbei! Wat ‘ne memorabele vastelaovend höbbe veer gehad mèt de hermenie, CV De Blouwe en euze Hoeglöstegheid Prins Denny I !

En jao, de groete cortège door Wolder en Vroenhove ging neet door op maondag, mèr veer zien toch met ‘Blouw en Bezope’ e rundsje um de kèrk vaan Wolder gewees same met CV Leonidas en de Greune hermenie. En veer höbbe daor gein lol minder um gehad in euze sjoene Blouwe Hoftempel! Eederein geit ziech rappelere wie Prins Denny I in het midde vaan de zaol op de taofel klom en mèt de sjuif alles achterein zat! Wat waor dat ‘ne sjieke middag!

En veur ‘s aovends maage veer nog memorere tot euze Hoeglöstegheid PERSOENLEK ‘t leech heet oetgedoon in de Greune Zaol. Euze Greune vrun waore beinao allemaol naor hoes, mèr daordoor höbbe zie wel ‘t Konzèr vaan Blouwe Prins Denny I en Greune Prins Erwin I gemis!

Gelökkeg höbbe veer nog foto’s en filmkes, die binnekort ouch op euze Snoetsebook-pagina kaome te stoon.

Veer wille Prins Denny I en zien Prinses Vivian bedaanke veur ‘ne sjieke vastelaovend….veer höbbe weer genog um een jaor euver nao te praote!

Tot 2017!

CV De Blouwe

Laot e beriech achter