Tataa! Prins Jean Paul I !

Tataa! Prins Jean Paul I !

Op zaoterdag 24 jannewarie is in euze Blouwe Hoftempel Prins Jean-Paul I oetgerope es nuije Hoeglöstigheid vaan CV De Blouwe!

‘t Zweit braok häöm die lèste ore veur de bekindmaking oet. Heer had links en rechts al opgevaange tot heer wel ‘ns Prins zou kinne goon weure deze kier. Mèr dat moos daan toch nog mèr blieke.

Eus Hermenie Wilhelmina waor massaol de straot op gegaange, oondaanks de snie en gladheid, um de Groete Oonbekinde op te goon hole beij de Pepel. Trök in de Hoftempel met de sjoen klaanke vaan de Hermenie en nao d’n intro door Moeljaan Guy, waor de oontlaoijing groet toen heer eindelek oonder ‘t maske oetkwaom. Wat höbbe veer genote dee aovend! Prins Jean-Paul I heet ziech in ‘n werme en gezellige sfeer in euze Hoftempel good laote zien en heet same met euze zöstervereiniginge oet Wolder en Belsj alles achterein gezat.

Veer weense häöm, zien prinses Nicole, hun zäöns Max en Tom en de rès vaan de femilie ‘ne hiele sjoene tied tow. Door häöm geit De Blouwe, um zie eige wäörd te gebruuke, ‘ne ‘gouwe towkoms tegemoot’ !

Alaaf!

CV De Blouwe

2 Reakties

  1. cvdeblouwe |

    Perfisia Hoeglöstigheid! Veur us zeet geer noe al ‘ne Gouwe!

  2. Jean Paul en aanhang vaan harte proficiat met eur oetrope als prins van de blouwe en hiel voal plezeer de kommende weken en veer zien us.

    mia en nico