Thoes

Welkom op de site vaan CV De Blouwe!

Zaoterdag 28 jannewarie 2012 höbbe veer euze nuije hoeglöstigheid 2012 oetgerope. In ‘n geweldige ambiance is Prins Leon I (van Duurling) bekind gemaak aon ‘t Wolderse volk. Same met häöm, zien prinses Karin en dochters Chiara en Cindy höbbe De Blouwe aofgeloupe fibberwarie ‘ne fantastische vastelaovend gevierd. Hoeglöstigheid Leon I heet ziech same mèt zien femilie vaan de bèste kant laote zien en veer zien d’r biezunder gruuts op tot veer zoene sjieke prins maage höbbe! Prins Leon I BEDAANK en tot volgend jaor es veer begin jannewarie weer present zien!

Veer zien oonderdeil vaan Harmonie Wilhelmina Wolder en veer zien es vastelaovendsgekke ein vaan de veurtrekkers vaan de Wolderse vastelaovend. Same met us Wolderse vastelaovendsvrun vaan CV De Spoorzeukers, CV De Greune, CV Leonidas en CV De Dabbelere en euze Belsje vrun oet Vroenhove en Kanne make veer us sterk veur ‘ne fantastische vastelaovend in Wolder en trèkke veer mèt in de einige internationale optoch op vastelaovendsmaondag vaan Groet Mestreech.

ALAAF!

CV De Blouwe