Thoes

Welkom op de site vaan CV De Blouwe!

Veer zien in de volle veurbereiding op het nuije vastelaovendssezoen vaan 2012. De vraog vaan de kaomende tied is: Wee kin euze sjieke zjubileiumprins vaan 2011 opvolge????

Op zaoterdag 28 jannewarie 2012 weurt euze nuije hoeglöstigheid 2012 oetgerope. Gere zien veer uuch daan weer um same mèt us de Wolderse vastelaovend levend te hawwe! Mier informatie euver deze aovend kint geer heij vinde.

 

Veer zien oonderdeil vaan Harmonie Wilhelmina Wolder en veer zien es vastelaovendsgekke ein vaan de veurtrekkers vaan de Wolderse vastelaovend. Same met us Wolderse vastelaovendsvrun vaan CV De Spoorzeukers, CV De Greune, CV Leonidas en CV De Dabbelere en uzze Belsje vrun oet Vroenhove en Kanne make veer us sterk veur ‘ne fantastische vastelaovend in Wolder en trèkke veer mèt in de einige internationale optoch op vastelaovendsmaondag vaan Groet Mestreech.

ALAAF!

CV De Blouwe


‘t Verhaol vaan 2011

Aofgeloupe jaor, in 2011, vierde CV De Blouwe  ‘t 5×11 jaorig zjubilei en daor huurde ouch ‘n nuije site beij! Zaoterdag 12 fibberwarie 2011 höbbe veer oonder groete belangstèlling in euze Blouwe Hoftempel euze Zjubileium Hoeglöstigheid oetgerope. Het bleek niemes minder te zien daan euze eige ‘Lange’,  Prins Gerrie d’n Ierste!!!!!

Veer waore biezunder gruuts tot veer zoene Vastelaovendsvierder es Prins mochte höbbe, en veer höbbe met häöm ‘ne HOEG, HOEG, HOEGlöstigheid gekrege dee veer us nog LANG denao zalle goon rappèlleere!! Gerrie, bedaank!